Browsing by Author "Suzan Pattie"
Now showing 1 - 1 of 1
Results Per Page
Sort Options
Item Patmeh Tesnenk: Conversations in the Field(2025) Suzan PattieՀոս տրուող գրութիւնը երկրորդ հատուածն է աւելի ընդարձակ գործի մը, որ դոկտորական աւարտաճառն է Տիկ. Սուսան Բեթի-Չիլինկիրեանին: Հատուածը կը ծանրանայ Հայկական Տասընհինգի ջարդերէն, աքսորներէն եւ սուրիական ու միջագետեան անապատներու մէջ թափառայածումներէն մազապուրծ, եւ նախ Կիպրոս ու ապա 1974-էն ետք, Լոնտոն ապաստանած հայու բեկորներու հոգեկան, հոգեբանական եւ իմացական տագնապներուն վրայ, որոնցմէ պիտի յառաջանար որոշ աշխարհահայեացք եւ ներքին մթնոլորտ անոնցմէ՝ այդ հայու բեկորներէն ներս: Գրութիւնը կը բաժնուի հիմնական երկու մասի, որոնցմէ առաջինով կը տրուին հեղինակին ունեցած կարգ մը հանդիպումներն ու զրոյցները թափառ ինկած հայերու եւ հայուհիներու հետ՝ մանաւանդ կիպրահայերու եւ նախկին կիպրահայերու: Գրութեան երկրորդ մասը գիտական մէկ վերլուծումն է այդ զրոյցներուն ետին գտնուող բեկորներուն ներքին աշխարհին եւ անոնցմէ յառաջացած այլազան հարցադրումներուն, որոնց հիմնականները կը մնան հայ ազգային կարգ մը ընկալումներ — հող եւ հայրենիք, կրօն եւ եկեղեցի, ազգ ու ազգութիւն, հայ եւ հայութիւն, հայկական կարգ մը առաքինութիւններ, լեզու եւ ազգապահպանում, ժողովուրդ, անհատ եւ ընտանիք, եւ տակաւին բազմաթիւ բաներ, որոնք կու գան կերտելու ազգ մը ժողովուրդէն կամ հաւաքականութենէն: Յօդուածին երկրորդ մասի աւարտին հարց կու տայ հեղինակը թէ «Ի՞նչ կը նշանակէ կիպրահայ ըլլալ քսաներորդ դարուն [ըլլալ] կիպրահայ մը որ Լոնտո՞ն կը բնակի, անգլիահա՞յ մը, թէ ի՞նչ»։ Հարցումին պատասխանը պիտի գայ խորունկ մէկ ընկալումէն Սուզան Փեթիի գրութեան։