Browsing by Author "Maxime K. Yevadian"
Now showing 1 - 2 of 2
Results Per Page
Sort Options
Item Enquete Sur L'inscription Dedicatoire de L'Architecte Eudes, Dans La Cathedrale D'aix-La-Chapelle(2020) Maxime K. YevadianԱախէնը (էքս լա Շափէլի շրջան, Ֆրանսա) նշանաւոր Շարլըմանյը կայսրին (748-814) նախընտրած նստավայրն էր: Իսկ Աախէնի Կաթողիկէին ոճը զարմանալի նմանութիւններ ունի հայ եկեղեցական ճարտարապետութեան հնագոյն նմուշներոն հետ: Այս նմանութիւնը մղած է հեղինակը որոնելու առնչութեան մը հաւանականութիւնը: Ան սպառիչ քննարկման ենթարկած է Կաթողիկէին մասին գրականութիւնը, ջանալով բացայայտել անոր վիմագրական բոլոր արձանագրութիւնները: Այս ծիրին մէջ, հեղինակը մանրամասն քննարկած է վիմական արձանագրութիւնները՝ Կաթողիկէին թմբուկին եւ Germigny-des Prés եկեղեցւոյ աղօթարանին, որուն ճարտարապետը եւս կը թուի Eudo of Metzը, Մէցի Eudoնն ըլլալ: Ուշագրաւ է որ Աախէնի Կաթողիկէէն 1950ին յայտնաբերուած նուիրաբերման արձանագրութիւնը երբեք չէ հրապարակուած, եւ ընդհակառակը՝ անհետացած է: Ըստ Մարկիթ Հախնազարեանի վկայութեան, արձանագրութեան քարախումբը տեղափոխուած է, իսկ արձանագրութեան քարերեսը՝ ներքնակողմ շրջուած: Հեղինակը կը ջանայ վերականգնել արձանագրութիւնը՝ կողմնակի վկայութիւններու հիմամբ: Ան համոզուած է որ Վիեննայի ազգային գրադարանի Ժ. դարու ձեռագիր մը (Osterreichishe Nationalbibliothek, ms. lat. 969, fol. 55v) Vita Caroli (Շարլըմանյի կենսագործունէութեան նուիրուած բաժնին վերնագիրը), մասնակիօրէն ընդօրինակուած ունի Աախէնի թմբուկի նուիրաբերման չափածոյ արձանագրութիւնը, զայն վկայակոչելով Շարլըմանյի տապանաքարէն.- Շարլ մեծ Կայսրը կանգնեցուցած է//Այս յատկանշանական պատուաբեր տաճարը//Այս գերազանց վարպետ Օտոնը//Որ եկած է Արարատ Լեռնէն//Կատարած է անոր կառուցումը: Հեղինակը այս հիմամբ կը յառաջացնէ այն տեսակէտը թէ Աախէնի Կաթողիկէին ճարտարապետը հաւանաբար հայ մըն էր՝ Արարատի երկրէն եկած:Item La Question Civique Dans L'Armenie Antique et ses Temoignages Numismatiques(2021) Roy Arakelian; Maxime K. YevadianԱրտաշէսեան Հարստութեան շրջանին, Մեծ Հայքի մէջ քաղաքային դրամներ տպուիլը երկար ատեն անհաւանական նկատուած էր գիտնականներու կողմէ: Այսօր, սակայն, պատկերը փոխուած է շնորհիւ նոր յայտնաբերումներու: Յօդուածը՝ պատմական յենքի վրայ, կու տայ Մեծ Հայքի մէջ կոխուած դրամներու համապատկերը, կ'աւելցնե նորայայտ դրամ մը եւ նորովի կը մեկնաբանէ փաստը: Հեղինակները կը վիճարկեն, թէ Արտաշատ քաղաքը քաղաքային նոր իրաւունքներ ստացաւ Ք.ա. 33ին, որոնց կարգին նաեւ մետրոպոլիս՝ ոստան կոչումը: Հուսկ, Ք.ա. 31-30ին՝ Հայաստանի վրայ հռոմէական տիրապետութեան երկրորդ շրջանին, առաջին դրամատպութիւն մը կատարուեցաւ Արտաշատի մէջ: Այնուհետեւ - աւելի քան դար մը - կոխուեցան նաեւ այլ դրամներ մինչեւ՝ Ք.ա. 28-29 եւ 26-27: