Browsing by Author "Samvel Khachatryan"
Now showing 1 - 1 of 1
Results Per Page
Sort Options
Item An Examination of the Intersection of Populism and Democracy: The Case of Armenia(2023) Samvel KhachatryanՈւսումնասիրութիւնը կ'անդրադառնայ Հայաստանի Հանրապետութեան ժողովրդավարական վարչաձեւի վրայ ժողովրդահաճութեան թողած հնարաւոր ազդեցութիւնը՝ 2018 Ապրիլ-2020 Նոյեմբեր ժամանակահատուածի տեւողութեան: Յօդուածը կը ջանայ պարզել, թէ ի՛նչ ազդեցութիւն կրնայ ունենալ ժողովրդահաճութիւնը հայաստանեան ժողովրդավարական կառավարման ու հաստատութիւններու, ինչպէս նաեւ ժողովրդավարութիւնը սահմանող հասկացութիւններու ու զայն բնութագրող բաղկացուցիչներու վրայ, եթէ հաշուի առնենք այն աննախադէպ իրադարձութիւններու, մասնաւորապէս՝ համավարակի (Քովիտ-19) եւ 2020ի արցախեան պատերազմի բերած բարդութիւնները, որոնք աւելի մեծ ճնշման տակ դրին հայաստանեան ժողովրդավարութեան զարգացումը: Հետազօտութիւնը հիմնուած է Րոպըրթ Տալի polyarchy տեսութեան վրայ, որու լոյսին տակ կը ներկայացուի ժողովրդավարացման գործընթացին մէջ ժողովրդահաճութեան ունեցած ազդեցութիւնը: Տալ polyarchyn կը սահմանէ իբրեւ անցում դէպի ամբողջական ժողովրդավարութիւն՝ կառավարման հիմնարկներու եւ յարակից գործընթացներու ժողովրդավարացման միջոցով: Ըստ հետազօտողին, այս տեսութիւնը կենսունակ է Հայաստանի Հանրապետութեան պարագային, քանի որ ՀՀն ո՛չ իր ժողովրդավարացման սաղմնային վիճակի, ոչ ալ ամբողջովին զարգացած վիճակի մէջ կը գտնուի: Որակական եւ քանակական վերլուծութեան մեթոդներու օգտագործմամբ-քաղաքագէտներու եւ ՀՀ քաղաքական տարբեր ուժերու ներկայացուցիչներու հետ խորքային հարցազրոյցներ կայացնելով, ՀՀ վարչապետ Նիկոլ Փաշինեանի՝ վերոյիշեալ ժամանակաշրջանի առանցքային տասը հանրային ելոյթներու բովանդակային ուսումնասիրութեամբ, ՀՀ բուհերու քաղաքագիտութիւն/միջազգային յարաբերութիւններու հետեւող մագիստրական ուսանողներու հետ հարցազրոյցներով - հետազօտողը հիմնաւորած է իր հարցադրած խնդիրներուն պատասխանները: