Հայաստանի Եղիշէ Չարենցի անուան Գրականութեան Եւ Արուեստի Թանգարանում պահուող ֆրանսաբնակ երգչուհի, երաժշտագէտ եւ մանկավարժ Մարգարիտ Բաբայեանի (1874-1969) արխիւից հրապարակւում են 40 նամակների ֆրանսերէն բնագրերը, որ երգչուհին ստացել է ժամանակի նշանաւոր ֆրանսիացի եւ իսպանացի երաժիշտներից (Պոլին Վիարդօ, Մանուէլ դե Ֆալեա, Մորիս Ռաւել, Կլոդ Դեբիւսի, Պաբլո Կազալս, Ժիզիէն Տիէրսօ, Վենսան դ'Էնդի):
Ծանօթագրութիւններում՝ հրատարակում են Մարգարիտ Բաբայեանին առնչուող երկու այլ նամակ Պոլին Վիարդոյից եւ մէկական նամակ` Մորիս Ռաւելից եւ Մանուել դէ Ֆալեայից (վերջինը՝ իսպաներէն): Սոյն անտիպ նամակները մեծ մասամբ գործնական բնոյթի գրութիւններ են, սակայն գրուած լինելով ականաւոր արուեստագէտների կողմից՝ որդի ինքնին հետաքրքրութիւն են ներկայացնում եւ կարեւոր են՝ հայ-եւրոպական երաժշտական առնչութիւնների պատմութեան համար: