Testimony of the Czech Traveller Karel Hansa on the Condition of Armenian Refugees in Lebanon in Autumn 1922
Loading...
Date
2022
Authors
Marek Jandak
Journal Title
Journal ISSN
Volume Title
Publisher
Abstract
Չէխ ճանապարհորդ Քարէլ Հանսան անձնական պատճառներով լքելով իր ծննդավայրը կ'ուղղուի Միջին Արեւելք: Առանց յստակ երթուղի մը ունենալու ան ինքզինք կը գտնէ Հալէպի մէջ: 1922ի ամռան, երբ քեմալական շարժումին հետեւանքով հայութիւնը դարձեալ կ'արտաքսուէր իր պապենական հայրենիքէն: Ան ականատես կը դառնայ շուրջ 10,000 որբերու փոխադրութեան՝ Ճարապլուսէն Հալէպ: 1922ի աշնան զինք կը գտնենք Պէյրութի մէջ, իբրեւ ընկերակից Հալէպէն Պէյրութ փոխադրուող Նիր Իսթ Րիլիֆի որբերուն:
Ի տես այս կացութեան, Հանսա կ'որոշէ նուիրուիլ մարդասիրական ծառայութեան. կը վերադառնայ հայրենիք՝ հանգանակութեան նպատակով, որպէսզի կարենայ աւելի լայնածիր ծառայութիւն մատուցել հայ գաղթականութեան: Չէխիոյ մէջ, 1923ին, ան կը հրատարակէ երկու գիրք, ուր կը նկարագրէ ճանապարհորդութիւնը եւ լուսարձակի տակ կ'առնէ 1922ի հայ գաղթականութեան վիճակը՝ Հալէպի եւ Պէյրութի գաղթակայաններուն մէջ, ինչպէս նաեւ հայ որբերուն կացութիւնը, իր հանդիպումները Սահակ կաթողիկոսին, Մարիա Ճէյքըպսընի եւ այլ նուիրեալներու հետ:
Այստեղ հրատարակուող նկարագրութիւնները քաղուած են Հանսայի այդ զոյգ գիրքերէն: Անոնք հազուագիւտ վկայութիւններ են Լիբանանի մէջ գաղթական հայութեան դիմագրաւած դժուարութիւններուն, գաղթակայաններու կեանքին եւ որբանոցայիններուն իրավիճակին:
Description
Keywords
Citation
Jandak, M., "Testimony of the Czech Traveller Karel Hansa on the Condition of Armenian Refugees in Lebanon in Autumn 1922", "Haigazian Armenological Review", 2022, 42/2, Beirut, pp. 509-524